Рони гол кертә - «Рубин» җиңә

(Казан, 1 февраль, «Татар-информ»). Казанның «Рубин» командасы Испаниядә узучы күнегү җыеннарында икенче җиңүен яулады. Кичә татарстанлылар Швейцариянең «Янг Бойз» клубын җиңде (2:1). Матчта исәпне алтынчы минутта Рони ачты. Тагын ике минуттан «Рубин» Швейцария футболчысы ярдәмендә ике очкога өстенлек алды. Ә ахыргы исәп уенның 38нче минутында казанлыларның Александр Колинько яклаган капкаларына гол кергәч билгеле булды.