Роберт Миңнуллин юбилеен "Җыр һәм шигырь Сабан туе"нда дәвам иттерәчәк
Шагыйрь бүген 70 яшьлек юбилеен билгеләп үтә.
Скопировать ссылку
(Казан, 1 август, "Татар-информ"). Шагыйрь Роберт Миңнуллин 70 яшьлек юбилее уңаеннан туган ягы Башкортстанда "Шигырь һәм җыр Сабан туе" үткәрәчәк. Бу хакта шагыйрь социаль челтәрдәге шәхси битендә хәбәр итә.
Бәйрәм 11 август көнне Башкортстанның Илеш районының Шәммәт авылында була. Анда киң билгеле татар, башкорт шагыйрьләре һәм җырчылары катнашачак, кунакларга шагыйрьнең яңа китабы бүләк ителәчәк.
- Татарстанның халык шагыйре, Г.Тукай исемендәге дәүләт премиясе лауреаты , Г. Х. Андерсен, М. Җәлил, А. Алиш, Ф. Кәрим исемендәге әдәби бүләкләр иясе Роберт Мөгаллим улы Миңнуллинга бүген, 1 августта, 70 яшь тулды.