Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Риза Фәхретдин исемендәге Әлмәт мәдрәсәсе укырга чакыра
Риза Фәхретдин исемендәге Әлмәт ислам мәдрәсәсе 2022-2023нче уку елына көндезге бүлеккә егетләрне һәм кызларны белем алырга чакыра. Уку вакыты – 2 ел 10 ай.
ТР Диния нәзарәте матбугат хезмәте хәбәр итүенчә, шәкертләр сентябрьдән июнь аена кадәр мәдрәсә бинасында яшәп укыйлар. Алар уку дәверендә көн саен өч тапкыр бушлай туклану белән тәэмин ителә. Егетләрнең һәм кызларның уку биналары аерым.
9нчы сыйныфны тәмамлап килүчеләр, мәдрәсәдә уку белән беррәттән, дөньяви кичке мәктәптә 10, 11, 12нче сыйныфларны укып тәмамлап, БДИ биреп, урта гомуми белем турында аттестат та алып чыгалар. Димәк, мәдрәсәдән соң укуларын алар югары дини яки дөньяви уку йортларында дәвам итә алалар.
Шәкертләр 2нче һәм 3нче курстан соң ислам нигезләре буенча мәчет каршындагы курсларда һәм мәчетләрдә практика үтәләр.
Әлмәт мәдрәсәсен тәмамлаучылар урта һөнәри дини белем алып чыгалар.
Кызыклы яңалыкларны күзәтеп бару өчен Телеграм-каналга язылыгыз