news_header_top_970_100
news_header_bot_970_100

РИУ студентлары Мәскәүдә узган гарәп һәм рус теле буенча олимпиадада призлы урыннар яулады

Руслан Сабирҗанов “гарәп теле” номинациясендә беренче урынга лаек булды

(Казан, 31 октябрь, “Татар–информ”). Мәскәүдә гарәп һәм рус теле буенча олимпиада узды. Әлеге чара Россия Федерациясендә мөселман мәгарифенә ярдәм күрсәтү буенча Президент программасын гамәлгә ашыру кысаларында үтте.
Олимпиаданы Мәскәү дәүләт лингвистика университеты оештырды.
Олимпиадада Россия ислам университеты студентлары да катнашты. Алар искиткеч нәтиҗәгә иреште һәм барлык номинацияләрдә беренче урыннарны яулады. Руслан Сабирҗанов – “гарәп теле”, Разия Сөләйманова “рус теле” номинациясендә беренче урынга лаек булды. Гөлүсә Рәфыйкова “рус теле” номинациясендә өченче урынны яулады. Бу хакта Россия ислам университетының матбугат хезмәте хәбәр итә.

news_right_column_1_240_400
news_right_column_2_240_400
news_bot_970_100