Ришат Хәбипов күпьеллык үләнгә күчерелгән бакчаларда бәрәңге утыртырга киңәш итә

«Кышкылыкка яшелчә һәм бәрәңге әзерләп куйсак, үзебезгә дә гарантия булыр иде», — диде авыл хуҗалыгы һәм азык-төлек министры урынбасары.

Скопировать ссылку

(Казан, 4 март, «Татар-информ», Гөлнар Гарифуллина). Татарстанның авыл хуҗалыгы һәм азык-төлек министры урынбасары Ришат Хәбипов күпьеллык үләнгә күчерелгән бакчаларда яшелчә, бәрәңге утыртырга киңәш итә.

Ул бүген журналистлар белән әңгәмә барышында бәрәңге һәм яшелчә мәйданнарын 20 процентка арттыру күздә тотылганын һәм моның өчен субсидия биреләчәген әйтте. «Бу безгә, уңыш җыйганнан соң, азык-төлек белән халыкны тәэмин итүгә гарантия бирәчәк. Ул продукцияне кооперативлар, райпо системасы аша сатып алыр идек», — диде министр урынбасары.

Ришат Хәбипов авылларда ташландык, эшкәртелмәгән бакчалар булганын искәртте. «Кемдер бәрәңге бакчасын күпьеллык үләнгә күчергән иде, яшелчә, бәрәңге утыртсак, үзебезгә дә күңелле булыр, кышкылыкка яшелчә һәм бәрәңге әзерләп куйсак, гарантия булыр», — диде.

Сәхифәләр

Ришат Хәбипов күпьеллык үләнгә күчерелгән бакчаларда бәрәңге утыртырга киңәш итә