Ринат Садыйков Рубежноеда Җиңү көненә багышланган истәлекле чараларда катнашты
Татарстан шефлыгы астындагы Луганск өлкәсенең Рубежное шәһәрендә Бөек Ватан сугышында Җиңүнең 81 еллыгына багышланган истәлекле чаралар узды. Аларда Татарстан Республикасы Премьер-министры урынбасары Ринат Садыйков, Рубежное шәһәр округы башлыгы Евгений Шаталин һәм «Бердәм Россия» партиясенең депутатлар корпусы вәкилләре катнашты.
Фото: © ТР вице-премьеры Ринат Садыйков аппараты
Акциядә катнашучылар Бөек Ватан сугышы елларында һәлак булганнарны искә алдылар һәм азат итүче сугышчылар һәйкәлләренә һәм мемориалларына чәчәкләр салдылар.
Җиңү көненең әһәмияте һәм истәлекле урыннар атмосферасы турында сөйләгәндә, Ринат Садыйков мондый мизгелләрне битараф кабул итеп булмый, дип белдерде.
Фото: © ТР вице-премьеры Ринат Садыйков аппараты
«Сүзләр белән аңлатып булмый торган мизгелләр бар – аларны йөрәк белән генә тоеп була. Мондый истәлекле урыннарда һәрвакыт барысын да үзенчәлекле итеп тоясың. Бөек Җиңү бәйрәме алдыннан Рубежное сугышчыларына чәчәкләр салдык. Без хәтерлибез. Без горурланабыз», - дип ассызыклады Ринат Садыйков.