Римма Ратникова: Татарстанда фотографлар архивын кабул итеп алу проблемасы хәл ителмәгән
Татарстан Журналистлар берлегендә танылган фоторәссам Рамил Галинең фотокүргәзмәсе эшли.
(Казан, 22 декабрь, «Татар-информ», Рузилә Мөхәммәтова). Татарстанда фотографларның архивларын кабул итеп алу проблемасы хәл ителмәгән. Күптән өлгереп җиткән проблеманы Татарстан Журналистлар берлеге рәисе Римма Ратникова “Татар-информ” фотографы Рамил Галинең “Туган як төсләре” фотокүргәзмәсе ачылу тантанасында яңгыратты.
“Проблема бар. Безнең бик күп фоторәссамнарыбызның фотоархивлары бары тик аларның үзләрендә генә саклана. Аларда алтмышынчы елгы фоторәсемнәргә кадәр бар. Ул фоторәсемнәрне ничектер сатып алу яисә бүлешүләрен сорау проблемасы хәл ителмәгән. Аларда республика байлыгы булырдай уникаль кадрлар бар”, - диде Римма Ратникова.
Искәртеп үтәбез, Татарстан Журналистлар берлегендә танылган фоторәссам Рамил Галинең фотокүргәзмәсе эшли.