Риман Гыйлемханов: Журналист булыр өчен, шул эш белән «авырырга» кирәк
Скопировать ссылку
«Ватаным Татарстан» журналисты Риман Гыйлемханов «Татар журналисты» сәхифәсендә журналист шәхесенең сыйфатлары хакында фикерен әйтте.
«Элек журналистның хатын-кыз булуы сәер иде. Ә хәзер ирләр табуы читен. Хәтта дәүләт сәясәтен тормышка ашыру да хатын-кызлар кулында хәзер. Тик тормыш алып барырга кирәк. Янәсе, акча җитми, диләр. Шуңа кушылып, башкалар да бу фикерне җөпли. Мин ышанмыйм. Журналист булыр өчен, шул эш белән «авырырга» кирәк. Акча эшлим дисәң, башка эш табасың инде», - диде ул «Татар-информ»га биргән әңгәмәсендә.
Риман Гыйлемханов талантлы журналистлар аз дип саный. «Журналист булып эшләүчеләр күп, талантлылары санаулы гына. Язучылар шикелле», - диде ул.