news_header_top
16+
news_header_bot
news_top

Рифкать Миңнеханов: Татарстан өчен мәдәниятләр диалогы – көндәлек тормышның бер өлеше

Рифкать Миңнеханов: Татарстан өчен мәдәниятләр диалогы – көндәлек тормышның бер өлеше
Фото: © «Татар-информ», Салават Камалетдинов

Татарстан өчен мәдәниятләр диалогы көндәлек тормышның аерылгысыз өлеше булып тора. ТР Фәннәр академиясе президенты Рифкать Миңнеханов «Россия – Көнчыгыш» («Казанда Көнчыгыш базары») милли мәдәниятләр фестивале кысаларында халыкара фәнни-гамәли конференцияне ачу тантанасында шул хакта хәбәр итте.

«Татарстан өчен мәдәниятләр диалогы – тарихи тәҗрибәнең һәм көндәлек тормышның бер өлеше. Биредә гасырлар дәвамында халыклар, телләр һәм диннәр үзара бәйләнештә яши. Быел Казан ислам дөньясының мәдәни башкаласы статусын йөртә. Бу – үз мирасыбызны тәкъдим итү һәм халыкара хезмәттәшлекне киңәйтү мөмкинлеге», – дип билгеләп үтте спикер.

40тан артык ил вәкилләрен берләштергән V «Россия – Көнчыгыш» – «Казанда Көнчыгыш базары» Халыкара милли мәдәниятләр фестивале ТР башкаласында 9 ноябрьдә башланды.

news_right_1
news_right_2
news_bot