Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рифкать Миңнеханов интеллектуаль транспорт системасы бердәм үзәге кирәклеген әйтте
Пилотсыз аппаратлар мәсьәләсен хәл итәчәк бердәм компетенцияләр үзәге булдырырга кирәк. Бу хакта матбугат конференциясендә Татарстан Фәннәр академиясе президенты, Цифрлы үсешкә ярдәм итү ассоциациясе советы рәисе, «Юл хәрәкәте иминлеге» оешмасы директоры Рифкать Миңнеханов белдерде.
«Югары автоматлаштырылган транспорт чаралары белән без күптәннән шөгыльләнәбез, шул исәптән федераль дәрәҗәдә дә. Ләкин, кызганыч, бердәм компетенция үзәге, интеллектуаль транспорт системалары кысаларында бердәм җаваплылык үзәге юк», — диде Kazan Digital Week 2023 халыкара форумында спикер.
Миңнеханов сүзләренчә, мондый үзәкне булдыру тәкъдимен форум резолюциясенә кертү планлаштырыла. «Россия җитәкчелегеннән пилотсыз авиация системасы мәсьәләсенә игътибар иткән кебек, моңа да игътибар бирүләрен сораячакбыз», — дип билгеләп үтте ул.
Спикер ассызыклаганча, интеллектуаль транспорт системаларына кагылышлы тәртипкә салынасы документларда күп кенә сораулар кала.
«Кайбер җайлаучы гамәлләр бар, интеллектуаль транспорт системалары буенча бераз федераль финанслау бар, әмма технологияләр — берәүләрдә, юллар — башкаларда, ә инфраструктура — өченчеләрдә», — дип билгеләп үтте ул.
Кызыклы яңалыкларны күзәтеп бару өчен Телеграм-каналга язылыгыз