Риелтор: Казанда торак арендалау ипотека түләүгә караганда дүрт тапкырга арзанрак
Скопировать ссылку
Казанда бер бүлмәле фатирны арендага алу шул ук бер бүлмәле фатир өчен ипотека түләүгә караганда 4 тапкырга арзанрак. Бу хакта «Татар-информ»га Россия риелторлар гильдиясе вице-президенты Константин Апрелев хәбәр итте.
Ул билгеләп үткәнчә, базар ипотекасы ставкасы бүгенге көндә еллык 20 проценттан артык, ә арендалау ставкасы фатир бәясенең 5 процентыннан артмый.
«Ягъни беренче кертемне исәпкә алмаганда, Казанда икенчел базарда бер бүлмәле фатир өчен ипотека түләү шундый ук бер бүлмәле фатир арендалауның уртача ставкасыннан 4 тапкырга кыйммәтрәк», - дип йомгаклады сүзен Апрелев.