Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Риелтор быел икенчел торак бәясе кыйммәтләнәчәкме икәнен аңлатты
2026 елның көзенә кадәр икенчел торакка бәяләрнең сизелерлек үсешен көтәргә кирәкми, бәяләрнең арзанаюы да фаразланмый. Бу хакта «Татар-информ» хәбәрчесе белән әңгәмәдә Россия риелторлар гильдиясе вице-президенты Константин Апрелев әйтте.
Аның сүзләренчә, агымдагы елда икенчел базарда бәяләр динамикасы элеккечә ике төп фактор белән билгеләнәчәк: ипотека алу мөмкинлеге һәм депозитлар буенча югары ставкалар нәтиҗәсендә халык тарафыннан тупланган акчалар күләме.
«Ипотека буенча ставканы билгели торган төп ставка элеккечә югары», - дип билгеләде эксперт. Ул икенчел базарда ипотека килешүләре өлеше тарихи минимумга төшүе турында әйтте. Төп күләм – ул алмашу операцияләре, кешеләр бер фатирны икенчесен сатып алу өчен сата.
«Ипотека ставкасы 16 проценттан түбән төшмичә, икенчел торак базарына потенциаль массакүләм ихтыяҗ кире кайтмаячак», - дип белдерде аналитик.
Шул ук вакытта, аның фикеренчә, бәяләрнең сизелерлек кимүе дә булмаячак.
«Узган елда икенчел базарда бәяләр үзгәрү темплары инфляциягә караганда түбәнрәк иде. Бу уртача 3-5 процент, ә инфляция хәтта рәсми статистика буенча да 7-9 процент тәшкил итте», - дип аңлатты эксперт.
«Килешүләр санының артуы һәм инфляцияне узып китә башлаган бәяләрнең сизелерлек үсеше ел ахырына, кайдадыр октябрь, ноябрь, агымдагы елның декабрь ае булырга мөмкин», - дип йомгаклады ул.
Кызыклы яңалыкларны күзәтеп бару өчен Телеграм-каналга язылыгыз