Икътисад 20 декабрь 2017 19:21

РФнең Кытайдагы илчесе: Татарстан - Россия-Кытай мөнәсәбәтен үстерүдә “илкүләм чемпион”

Хезмәттәшлек чимал табышы өлкәсеннән тыш, югары технологияләр өлкәсендә дә үсеш ала, дип саный Андрей Денисов.

Скопировать ссылку

(Казан, 20 декабрь, «Татар-информ»). Россия Федерациясенең Кытай Халык Республикасындагы Гадәттән тыш һәм Тулы вәкаләтле илчесе Андрей Денисов Татарстан Республикасын Россия-Кытай мөнәсәбәтләрен үстерүдә “илкүләм чемпион”, дип атады. Бу хакта ТАСС хәбәр итә.

Республика җитәкчелеге һәм аның эшлекле даирәләре Кытай белән мөнәсәбәтләрне үстерүгә һәм аның нәтиҗәсендә туган мөмкинлекләрне файдалануга игътибар белән карый, дип саный Андрей Денисов.

Татарстан белән Кытай хезмәттәшлек чимал, табигый казылмалар һәм микроэшкәртү өлкәсендә генә түгел, ә югары технологияләр буенча да үсеш ала, дигән фикердә Россия Федерациясенең Кытай Халык Республикасындагы Гадәттән тыш һәм Тулы вәкаләтле илчесе.

Моннан тыш, Кытай белән актив хезмәттәшлектә Санкт-Петербург һәм Ленинград өлкәсен, шулай ук Россиянең көньяк төбәкләрен, аерым алганда, Сочи шәһәрен атады.

#Кытай

Сәхифәләр

РФнең Кытайдагы илчесе: Татарстан - Россия-Кытай мөнәсәбәтен үстерүдә “илкүләм чемпион”