Рәсми Татарстан 27 май 2010 14:49

РФ Президенты татарстанлыларны ТАССРның 90 еллыгы белән котлады

Дмитрий Медведев Татарстан Республикасы Президенты Рөстәм Миңнехановны һәм республикада яшәүчеләрне котлады

Скопировать ссылку

(Казан, 27 май, «Татар-информ»). Россия Федерациясе Президенты Дмитрий Медведев Татарстан Республикасы Президенты Рөстәм Миңнехановны һәм республикада яшәүчеләрне ТАССРның 90 еллыгы белән котлады.
Сезне Татарстан Автономияле Совет Социалистик Республикасы төзелүнең 90 еллык юбилее белән чын күңелдән котлыйм.
Татарстан уникаль мәдәни-тарихи мираска ия. Ул илгә танылган галимнәр, шагыйрьләр һәм музыка белгечләре, хәрби башлыклар һәм спортчылар әзерләгән.
Республика милләтара һәм конфесияара дуслык буенча үрнәк төбәк булып тора. Гасырлар дәвамында биредә йөздән артык халык һәм барлык дөньяви дин вәкилләре тату һәм бер-берсен хөрмәт итеп яши.
Бүген Татарстан сәнәгать производствосы күләме буенча илдә алдынгы урыннарда, социаль-икътисади өлкәне һәм дәүләт идарәсен модернизацияләү буенча лидерлар рәтендә.
Татарстан Республикасына һәм аның халкына уңышлар, иминлек телим.

Россия Федерациясе Президенты Дмитрий Медведев.

Сәхифәләр

РФ Президенты татарстанлыларны ТАССРның 90 еллыгы белән котлады