Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
РФ Министрлар Кабинеты президент һәм хөкүмәт стипендияләренә дип 108 миллион сумнан артык акча бүлеп бирә
Бу хакта Премьер-министр Дмитрий Медведев Министрлар Кабинеты утырышында хәбәр итте
(Казан, 11 декабрь, «Татар-информ»). РФ Министрлар Кабинеты агымдагы уку елы азагына кадәр президент һәм хөкүмәт стипендияләренә дип 108 миллион сумнан артык акча бүлеп бирә. Бу хакта Премьер-министр Дмитрий Медведев Министрлар Кабинеты утырышында хәбәр итте, диелә ТАСС мәгълүматында.
Әлеге акчалар трансфертлар сыйфатында Россия төбәкләренә бүленәчәк. "2012 елдан алып мондый стипендияләрне икътисадны модернизацияләүнең өстенлекле юнәлешләре буенча белгечләр әзерләүче университет, һөнәр училищелары аспирантлары һәм студентлары ала", - дип аңлатып узды Медведев. Ул, бу стипендияләр сәләтле кешеләргә үзләрен күрсәтү өчен ярдәм иткәндер, дигән ышаныч белдерде.
"Бүләкләүнең идеаль схемалары булмавы аңлашыла, студентларга акча һәрвакыт җитми, әмма без, финанс хәл катлаулы булуга карамастан, студент һәм аспирантларга грант ярдәмнәре системасын алга таба да камилләштерәчәкбез", - дип ассызыклады РФ Премьер-министры.
Яңалыкларны күзәтеп бару өчен Макс-каналга язылыгыз