РФ мәдәният министры урынбасары Надежда Преподобная Арча сәнгать мәктәбенә килде
Скопировать ссылку
Россия мәдәният министры урынбасары Надежда Преподобная, Татарстан мәдәният министры Ирада Әюпова белән бергә, «Мәдәният» илкүләм проекты кысаларында ремонтланган Арча балалар сәнгать мәктәбе белән танышты.
«Федераль проект кысаларында бинага капиталь ремонт ясалды – фасад яңартылды, түбә алыштырылды, подвал төзәтелде, матди-техник база яңартылды – җиһазлар һәм музыка уен кораллары алынды», дип хәбәр итә ТР мәдәният министрлыгының матбугат үзәге.
- Арча балалар сәнгать мәктәбе ике катлы бинага урнашкан. Гомуми мәйданы – 2273,6 кв.м. Мәктәпнең 174 кешелек Зур залы һәм 40 кешелек Кече залы бар.
- Мәктәптә музыка, хореогравия, сынлы сәнгать, театр, агач бизәкләү бүлекләре бар. Балалар сәнгать мәктәбенең авылларда тугыз филиалы эшләп килә.
