Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
РФ Хөкүмәте математика һәм музыка мәктәпләреннән сәләтле балаларга күбрәк игътибар бирәчәк
РФ Президенты искәртеп узганча, Сочидагы Олимпиададан соң төп кышкы спорт төрләре буенча укучыларны әзерләү буенча үзәк булдыру проекты тәкъдим ителгән
(Казан, 18 декабрь, «Татар-информ», Надежда Гордеева). Сочида Россиядә яшәүче талантлы балалар белән эш буенча проект гамәлгә ашырылачак. Бу хакта бүген матбугат конференциясендә РФ Президенты Владимир Путин хәбәр итте.
Россия Президенты искәртеп узганча, Сочидагы Олимпиададан соң спортның төп кышкы төрләре буенча укучыларны әзерләү үзәге булдыру проекты тәкъдим ителгән. Хәзерге вакытта проект тормышка ашырыла. Хәзер бөтен Россиядән 200 бала шушы үзәктә шөгыльләнә.
“Сезгә серне ачам: мин бу проектны үзгәртергә телим. Без инде Кара диңгез ярында ук шактый гына зур объектны сайладык. Мин моның дәүләтнеке булмаган проект булуын телим. Бөтен илдән балалар-үсмерләр спорт мәктәпләреннән җыя торган балалардан тыш, биредә физика-математика һәм музыка мәктәпләреннән дә сәләтле балалар булуын телим. Әлеге балалар үзәгенең спорт, музыка, математика бүлекләреннән торуын планлаштырабыз”, - дип хәбәр итте Илбашы.
Путин фикеренчә, мондый проект үзәктә эшләүче белгечләргә аеруча сәләтле балаларны сайларга, алар белән аерым шөгыльләнергә, ярдәм итәчәк.
Кызыклы яңалыкларны күзәтеп бару өчен Телеграм-каналга язылыгыз