Икътисад 18 сентябрь 2014 19:40

РФ Хөкүмәте бюджет өлкәсендә эшләүчеләрнең хезмәт хакын инфляция дәрәҗәсендә индексацияләүне хуплады

Шул сәбәпле, бюджет өлкәсендә эшләүчеләрнең хезмәт хаклары индексациясе буенча юл карталарына төзәтмә кертү турында карар кабул ителде

Скопировать ссылку

(Казан, 18 сентябрь, «Татар-информ»). 2015-2017 еллар бюджет проектында бюджет өлкәсендә эшләүчеләрнең хезмәт хакын инфляция дәрәҗәсендә индексацияләү каралган, дип хәбәр итә “Интерфакс” РФ финанслар министры Антон Силуанов белдерүенә сылтама белән.
“Хөкүмәт тәкъдим иткән һәм хуплаган карарларның берсе – ул бюджет өлкәсендә эшләүчеләрнең хезмәт хаклары индексациясе буенча юл карталарына төзәтмә кертү. Бу бик мөһим”, - диде Силуанов бүген РФ Хөкүмәтенең бюджетны карауга багышланган брифингына нәтиҗә ясап.
“Без киләсе елда бюджет өлкәсендә эшләүчеләрнең хезмәт хакын инфляция дәрәҗәсендә индексацияләүне карыйбыз. Шул сәбәпле, хезмәт хакы арту дәрәҗәсе буенча юл карталарына төзәтмә кертү зарур, чөнки 2018 елда указда куелган күрсәткечләргә ирешергә кирәк”, - дип аңлатма бирде министр.

Сәхифәләр

РФ Хөкүмәте бюджет өлкәсендә эшләүчеләрнең хезмәт хакын инфляция дәрәҗәсендә индексацияләүне хуплады