РФ Гидрометеорология үзәге Идел буенда кырау төшүе турында кисәтте
Якын көннәрдә Идел буе территориясендә -5 градуска кадәр, Уралда һәм Себернең көньягында -6 градуска кадәр, Россиянең Европа өлеше үзәгендә -2, -3 градуска кадәр салкыннар көтелә. Бу хакта РФ Гидрометүзәгенең фәнни җитәкчесе Роман Вильфанд сөйләде, дип хәбәр итә РИА Новости.
Метеоролог сүзләренчә, ил территориясенең күпчелек өлешендә һава температурасы нормадан түбән булачак. «Салкын һава көнбатыштан көнчыгышка тарала. Бу илнең бөтен территориясендә диярлек һава массалары, якшәмбедән башлап, бөтен җирдә төньяктан булачак», – дип аңлатты ул.
Озак вакытка җылы һава торышы Приморье краенда һәм Хабаровск краеның көньягында гына сакланачак. Анда температура +20 градустан югарырак булачак, дип өстәде Вильфанд.