Режиссер һәм язучы Әхтәм Зарипов соңгы юлга иртәгә Мәрҗани мәчетеннән озатыла
Скопировать ссылку
Режиссер һәм язучы Әхтәм Зарипов соңгы юлга иртәгә Мәрҗани мәчетеннән озатыла.
«Хушлашу мәрасимен иртәгә сәгать 10га дип билгеләдек. Туганнары Яшел Үзән районына алып кайтып җирләячәкләр», – диде Татарстан Язучылар берлеге рәисе урынбасары Рифат Җамал.
- Әхтәм Исмәгҗан улы Зарипов – Татарстанның атказанган сәнгать эшлеклесе, актер, режиссер. 1935 елның 15 июлендә Башкортстанның Илеш районындагы Таҗи авылында туган.
- 1961-1972 елларда – Г.Камал исемендәге театрда артист.
- 1972 елдан – Казан телевидениесендә режиссер.
- 1987-1992 елларда Казан телевидениесендә баш режиссер.
Әхтәм Зариповның җәмәгатьчелек арасында төшкән соңгы фотоларының берсе. 2024 елның 28 марты. Язучылар берлегенең ел йомгаклары утырышы
Фото: © «Татар-информ», Салават Камалетдинов