news_header_top_970_100
news_header_bot_970_100

Республиканың төп финанс документы турында фикер алышуда ТР Президенты катнашты

“Киләсе елда планлаштырылган 2 млн. квадрат метр торакны тапшыра алсак, яхшы булачак”, - дип ассызыклады М.Шәймиев

(Казан, 5 ноябрь, “Татар-информ”, Римма Гатина). Бњген дњртенче чакырылыш ТР Дђњлђт Советыныћ алтынчы утырышы уза. Сессиянең көн тәртибенә чыгарылган төп мәсьәлә “2010 елга Татарстан Республикасы бюджеты турында” закон проекты белән бәйле. Киләсе елга республиканың финанс документы турында фикер алышуда ТР Президенты Минтимер Шәймиев катнашты.
ТР Президенты Минтимер Шәймиев, 2010 елның бюджет документы турында фикер алышуда катнашып, социаль ипотека программасын тормышка ашыру мәсьәләсенә тукталды. Илбашы сүзләренчә, 2010 елда, төзүчеләргә зыян китермичә, торакның бер квадрат метр бәясен агымдагы ел дәрәҗәсендә саклап калу яки бераз гына арттыру турында уйлау зарур. “Без зыянга эшләргә тиеш түгел. Киләсе елда планлаштырылган 2 млн. квадрат метр торакны тапшыра алсак, яхшы булачак ”, - дип белдерде ул.
ТР Президенты карамагындагы Дәүләт торак фонды башкарма директоры Тәлгат Абдуллин исә Россия күләмендә инвестиция процессларының акрынаюын, шуңа бәйле рәвештә киләсе елда төзелеш материалларының бәясе сизелерлек рәвештә түбән булачагын билгеләп үтте.

news_right_column_1_240_400
news_right_column_2_240_400
news_bot_970_100