Республиканың 20 мәчетендә татар теле курслары дәвам итә
Республика мәчетләрендә “Без-татарлар” дип аталган өч айлык татар теле курсларына 350дән артык кеше килгән.
(Казан, 28 июль, “Татар-информ”, Диана Авакян). Республиканың 20 мәчетендә татар теле курслары дәвам итә. “Без-татарлар” дип аталган өч айлык татар теле курслары 10 мәчеттә узды. Курсларга 350дән артык кеше йөргән. Бу хакта “Татмедиа” АҖ генераль директоры Андрей Кузьминга “Татар-информ” агентлыгы өчен интервьюда Татарстан мөфтие Камил Сәмигуллин әйтте.
Татарстан мөселманнары Диния нәзарәте курслар буенча уңай бәяләмәләр алган. Быел уку вакытын 6 айга кадәр озайтачаклар.
“Бу альтернатива түгел, мәҗбүрилек чарасы. Мәчетләрдә татар телендә сөйләшүне беркем дә тыя алмаячак. Телне саклау өчен мохит кирәк, миңа калса, бу модада булырга тиеш”, - диде Сәмигуллин.
“Курсларның максаты грамматика өйрәтү түгел, ә кешеләрне көнкүреш дәрәҗәсендә татарча сөйләшергә өйрәтү”, - диде агентлык әңгәмәдәше.