Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Республикада янгын чыгуны кисәтү төркемнәре өч көн эчендә өч меңгә якын йортта булган
Янгын куркынычсызлыгы кагыйдәләре белән 5723 граждан танышкан.
(Казан, 3 гыйнвар, “Татар-информ”). Яңа елны бәйрәм итү көннәрендә янгын чыгуның күпчелек очраклары шәхси торак секторларында күзәтелә. Бу уңайдан янгын чыгуны кисәтер өчен профилактика төркемнәре эзлекле эш алып барган.Шундый 155 төркем булдырылган. Бу хакта Гражданнар оборонасы эшләре һәм гадәттән тыш хәлләр министрлыгы матбугат хезмәте хәбәр итә.
Профилактика төркемнәренең эше 2016 елның 31 декабреннән башлап, 2017 елның 2 гыйнварына кадәр дәвам иткән. Янгын куркынычсызлыгы кагыйдәләре белән 289 (гомуми саннан 1,2 процент) күпфатирлы йортта һәм 2448 (гомуми саннан 0,5 процент) шәхси йортта торучылар танышкан.
Шул исәптән, профилактика төркемнәре күп балалы гаиләләр, ялгыз, өлкән яшьтәге кешеләр һәм алкоголь һәм наркотик куллану гадәте булган гражданнар йортларында булган.
Моннан тыш, гражданнар белән очрашулар үткәрелгән. Шулай итеп, 97 җыен оештырылган. Аларда 1347 кеше катнашкан. Гомумән, янгын куркынычсызлыгы кагыйдәләре белән 5723 граждан танышкан.
Кызыклы яңалыкларны күзәтеп бару өчен Телеграм-каналга язылыгыз