Рәсми Татарстан 3 гыйнвар 2017 15:30

Республикада кич белән 20 градуска кадәр суык булуы көтелә

Гадәттән тыш хәлләр министрлыгының киңәшләре

Скопировать ссылку

(Казан, 3 гыйнвар, “Татар-информ”). Татарстан Республикасы территориясендә 2017 елның 3-4 гыйнварларында һава температурасы кич белән ул 18-20 градуска кадәр төшәчәк. Бу хакта Татарстанның гидрометеоүзәге хәбәр итә.

Һава торышының кинәт суытуы белән бәйләп Гадәттән тыш хәлләр министрлыгы түбәндәгеләрне киңәш итә:

- әһәмияте зур булмаган очракта шәхси автотранспортка утырып юлга чыкмаска;

- сәяхәттә юл кырында ялгыз машина очраса, туктап, ватылуның сәбәбен ачыкларга; зыян күрүче булса, ярдәм күрсәтергә; тиешле органнарга хәбәр итәргә;

- балаларны урамга өлкәннәрдән башка чыгармаска;

- кеше нык туңган очракта иң нәтиҗәле ысул – ул кешене җылы душка кертү, җылы кием бирү, кайнар эчемлекләр эчертү;

- кеше туңган очракта, аны 1-2 сәгать яхшылап җылытырга. Зыян күрүченең хәле яхшырмаса, кичекмәстән табибка мөрәҗәгать итәргә;

- спиртлы эчемлекләрне эчу катгый тыела. Бу кешенең зиһене чуалуга һәм аның организмының туңуына гына китерә.

#һава-торышы #киңәш

Сәхифәләр

Республикада кич белән 20 градуска кадәр суык булуы көтелә