Җәмгыять 6 ноябрь 2020 15:53

Республикада даруларны курьер аша өйгә китерүне оештырырга планлаштыралар

Яңа елдан даруханәләрдән рецептсыз сатыла торган препаратларны өйгә китертү мөмкинлеге карала.

Скопировать ссылку

(Казан, 6 ноябрь, «Татар-информ», Марат Ишкилдин). Татарстанда 2021 елда өйгә рецептсыз даруларны курьер аша китерүне оештырырга планлаштыралар. Бу хакта «Таттехмедфарм» генераль директоры Олег Акберов Андрей Кузьминга биргән интервьюсында хәбәр итте.

«Бу мөмкин эш, әмма кайбер законнарга үзгәрешләр кертергә кирәк. Чөнки препаратларны җибәрү буенча чикләүләр күп, рецепт буенча гына бирелә торган дарулар бар. Әмма рецептсыз сатыла торган препаратлар да бар — без моның өстендә эшлибез. Яңа елдан даруханәләрдән рецептсыз сатыла торган препаратларны өйгә китерүне оештырырга телибез», — диде Олег Акберов.

Моның өчен транспорт хезмәте күпмегә төшәчәген һәм салкында сакланырга тиешле препаратларны ничек китереп булачагы турында уйларга кирәк.

Олег Акберов белән интервьюның тулы версиясе sntat.ru сайтында урнаштырылачак. Видеоверсиясе белән «Татар-информ» агентлыгының YouTube каналында танышырга мөмкин. Әңгәмәнең телевизион вариантын тамашачылар «Татарстан 24» телеканалында «Андрей Кузьмин белән галстуксыз интервью» программасында шимбә көнне — 18.30, якшәмбе көнне 13.30 сәгатьтә карый ала.

#дарулар #Даруханә #дару

Сәхифәләр

Республикада даруларны курьер аша өйгә китерүне оештырырга планлаштыралар