Җәмгыять 24 октябрь 2009 13:51

Республикада бер атнада 5 кеше агуланып үлгән

Агулануга сәбәп булган әйберләр күпчелек очракта даруханәдән сатып алынган

Скопировать ссылку

(Казан, 24 октябрь, «Татар-информ»). Токсикология мониторингы мәгълүматлары буенча, узган атнада республикада химик матдәләр белән агулануның 94 очрагы теркәлгән, аларның 33 очрагы - алкоголь эчемлекләр белән, 10 очрагы - наркотик препаратлар белән, 41 очрагы - дарулар белән, 10 очрагы - башка әйберләр белән, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек хезмәтенең ТР буенча Идарәсе матбугат хезмәте.
Зыян күрүчеләр арасында 63 ир-ат, 31 хатын-кыз, шул исәптән 12 бала һәм яшүсмер бар. Агулануның 5 очрагы үлем белән тәмамланган.
Агулануга сәбәп булган әйберләр 33 очракта даруханәдән, 22 очракта кибеттән һәм 3 очракта санкцияләнмәгән сәүдә урыннарыннан сатып алынган.

Сәхифәләр

Республикада бер атнада 5 кеше агуланып үлгән