Җәмгыять 29 гыйнвар 2010 15:42

Республикада 18 кеше дару кулланып агуланган

Бу атнада Татарстанда 55 кеше химик матдәләр белән агуланган

Скопировать ссылку

(Казан, 29 гыйнвар, “Татар-информ”). Кулланучылар хокукларын яклау һәм кеше иминлеге өлкәсендә күзәтчелек итү буенча Федераль хезмәтнең Татарстандагы Идарәсе тарафыннан уздырыла торган токсикологик хәлгә мониторинг нәтиҗәләре күрсәткәнчә, бу атнада Татарстанда 55 кеше химик матдәләр белән агуланган. Шул исәптән, исерткеч эчемлекләр белән – 16, дару препаратлары белән – 18, башка матдәләр белән агулануның 21 очрагы теркәлгән. Зыян күрүчеләр арасында 37 ир-ат, 18 хатын-кыз, 4 бала һәм яшүсмер булуы мәгълүм. 17 кеше агуланып үлгән. Агулануга китергән матдәләр даруханәләрдә, кибетләрдә һәм рөхсәт ителмәгән сәүдә нокталарында сатылган. Бу турыда кулланучылар хокукларын яклау һәм кеше иминлеге өлкәсендә күзәтчелек итү буенча Федераль хезмәтнең Татарстандагы идарәсе матбугат хезмәте хәбәр итә.

Сәхифәләр

Республикада 18 кеше дару кулланып агуланган