Җәмгыять 12 октябрь 2009 14:43

Республика перинаталь үзәгендә – яңа җитәкче

Бүген ТР сәламәтлек саклау министры Айрат Фәррахов Республика клиник хастаханәсенең перинаталь өзәге коллективына яңа җитәкчене тәкъдим итте

Скопировать ссылку

(Казан, 12 октябрь, “Татар-информ”). Бүген ТР сәламәтлек саклау министры Айрат Фәррахов Республика клиник хастаханәсенең перинаталь үзәге коллективына яңа җитәкчене тәкъдим итте. Үзәк эшен тәҗрибәле табиб, Казан дәүләт медицина университетының 2-нче санлы акушерлык һәм гинекология кафедрасы ассистенты, моңа кадәр 1-нче бала тудыру йортында эшләгән Эльмира Галимова алып барачак.
Министр сүзләренә караганда, үзәкнең элеккеге башлыгы Наталья Голованова хәзер перинаталь үзәкнең йөкле хатын-кызлардагы патологияләр бүлеген җитәкли. Ул үзәк башлыгы вазифасын уңышлы башкарды. Аның кул астында перинаталь үзәк яңача җиһазландырылды, югары квалификацияле коллектив формалашты.
«Безнең алда аналар һәм яңа туган сабыйлар арасында үлем очракларын киметү бурычы тора. Бу юнәлештә без күп нәрсәгә ирештек. Соңгы елларда Татарстан тарихында тәүге тапкыр бездә балалар үлеме күрсәткече иң түбән”, - диде министр Айрат Фәррахов. Әлеге мәгълүматны ТР Сәламәтлек саклау министрлыгының матбугат хезмәте җиткерә.

Сәхифәләр

Республика перинаталь үзәгендә – яңа җитәкче