Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Республика көнендә 45 парның никахлары теркәләчәк
Узган елгы кебек үк, быел да 30нчы август – Республика көнендә 45 яшь парның никахлары рәсмиләштереләчәк. Бу хакта бу минутларда ТР Министрлар Кабинетында брифингта Татарстанның Премьер-министр урынбасары Ләйлә Фазлыева хәбәр итте.
«2024 ел тәҗрибәсен кабатлыйбыз: 45 пар никахларын Республика көнендә теркәячәк. Тантаналы чаралар республиканың ЗАГС идарәсе катнашында оештырыла. Хәзер яшьләр никахларын рәсмиләштерүгә әзерләнә», – диде вице-премьер.
Ләйлә Фазлыева сүзләренчә, узган елда өйләнешкән 45 гаилә бүгенге көндә бәхетле гомер кичерә. «Бу гаиләләрдә 5 малай, 5 кыз туган», – диде ул.
Ул бу тантаналарга муниципаль берәмлекләрдән вәкилләр дә чакырылганын әйтте. «Яшьләр үзләренең бәхет рецептлары белән уртаклашыр. Без былтыр да, быел да халыкның үзара аралашуына игътибар бирәбез. Һәркем гаилә, балалар кыйммәтен аңларга тиеш», – дип әйтте Ләйлә Фазлыева.
Република көне уңаеннан танылган шәхесләргә мемориаль такталар куелачак. Ветеран оешмаларын, хезмәт ветераннарын хөрмәтләү чаралары узачак.
Кызыклы яңалыкларны күзәтеп бару өчен Телеграм-каналга язылыгыз