Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Республика клиник хастаханәсе табиблары иң өлкән пациентка кабат бөер күчереп утырткан
Татарстанның Республика клиник хастаханәсендә 70 яшьлек хатын-кызга кабат бөер трансплантациясе ясаганнар. Ханым Балык Бистәсе районында яши. Бүгенге көндә ул Татарстанда орган күчереп утыртылган иң өлкән пациент. Бу хакта «Татар-информ»га Республика клиник хастаханәсенең матбугат хезмәте хәбәр итте.
Пациентның бөер белән проблемалары 30 яшендә үк башлана. 54 яшендә аның бөерләре эшләми башлый, шул вакытта хатын-кыз әлеге авыр операциягә тәвәккәлли.
«Бу бөер миңа 14 ел хезмәт итте, 2007 елдан бирле, ә аннары анысы да эшләүдән туктады. Быел мин яңа трансплантациягә тәвәккәлләдем», — дип сөйли пациент.
Табиблар әйтүенчә, бу алар өчен җиңү – беренче бөер 15 елга якын хезмәт иткән, ә икенче бөерне пациент инде олы яшькә җиткәч күчереп утыртканнар.
«Бөер күчереп утырту операциясен икенче тапкыр сирәк ясыйлар, чөнки ул пациентның халәте, иммун системасы белән бәйле. Ә бу очракта без 70 яшьлек хатын-кызга бөер күчереп утырттык – бу команда эшенең бик яхшы нәтиҗәсе», – дип сөйли бөер күчереп утырту бүлегенең табиб-урологы Омар Кадыйров.
Клиниканың матбугат хезмәтендә әйтүләренчә, быел Республика клиник хастаханәсендә 85 пациентка бөер күчереп утыртканнар.
Кызыклы яңалыкларны күзәтеп бару өчен Телеграм-каналга язылыгыз