Җәмгыять 17 декабрь 2016 15:26

Республика Кан үзәгенең кан банкына 95 литр кан өстәлгән

Татарстанның Кан үзәге “Минем уникаль каным гомерне саклап калыр!" дип исемләнгән акция үткәрде.

Скопировать ссылку

(Казан, 17 декабрь, "Татар-информ") Татарстанның Кан үзәге оештырган “Минем уникаль каным гомерне саклап калыр!" дип исемләнгән акциядә 200дән күбрәк кеше катнашкан, дип хәбәр итә республиканың Сәламәтлек саклау министрлыгы матбугат хезмәте.

Акция кан банкын тискәре резуслы кан төркемнәренә баету максатын тоткан. Шулай итеп, Кан үзәгенә 217 донор мөрәҗәгать иткән, алардан 43 кешедә кан төркеме тискәре резуслы булган. Акция нәтиҗәсендә кан банкы 95 литр кан белән тулыландырылган. Яңа ел алдыннан Республиканың кан үзәге донорларга бүләкләр дә әзерләгән.

#кан

Сәхифәләр

Республика Кан үзәгенең кан банкына 95 литр кан өстәлгән