Фән һәм мәгариф 23 сентябрь 2014 12:32

Республика күләмендә уздырылган “Күркәм гаилә” конкурсы җиңүчеләре Казанда хөрмәтләнәчәк

Конкурс “Гаилә һәм мәктәп” журналы, “Татар гаиләсе фонды” һәм ТР Министрлар Кабинеты каршындагы ЗАГС идарәсе белән берлектә оештырылган

Скопировать ссылку

(Казан, 23 сентябрь, “Татар-информ”). “Гаилә һәм мәктәп” журналы 8 июль — Гаилә, мәхәббәт һәм тугрылык көне уңаеннан, республикакүләм “Күркәм гаилә” конкурсын игълан иткән иде. Җәмгыятьтә гаилә кыйммәтләрен ныгыту, халкыбызның буыннан-буынга сакланып килгән матур гореф-гадәтләрен ачыклау максатыннан, “Татар гаиләсе фонды” (җитәкчесе – Роберт Миңнуллин) һәм ТР Министрлар Кабинеты каршындагы ЗАГС идарәсе (җитәкчесе – Эльмира Зарипова) белән берлектә оештырылган әлеге чарада Татарстанның район һәм авыл җирлекләрендә яшәүче 100гә якын яшь гаилә катнашкан. Арада иң күркәм, башкаларга үрнәк булырлык 12 гаилә ачыкланып, әлеге конкурс җиңүчеләре дип табылган. Конкурска җибәрелгән яшь гаиләләр турындагы материаллар белән исә http://vk.com/club74137565 сылтамасы аша “Күркәм гаилә” группасына кереп“Документы” сәхифәсендә якыннан танышып була.

“Гаилә һәм мәктәп” журналы баш мөхәррире Гөлүсә Закирова биргән белешмә буенча, “Күркәм гаилә” конкурсы нигезендә сайлап алынган гаиләләргә 24 сентябрь көнне сәгать көндезге 2дә Халыклар Дуслыгы йортының концертлар залында (Казан ш., Павлюхин ур., 57) тантаналы шартларда дипломнар һәм истәлекле бүләкләр тапшырылачак.

Сәхифәләр

Республика күләмендә уздырылган “Күркәм гаилә” конкурсы җиңүчеләре Казанда хөрмәтләнәчәк