Спорт 21 сентябрь 2016 01:58

Республика чемпионатында Саба командасы – җиңүче, Теләче – икенче, Балтач - өченче

Теләченең “Батыр” спорт комплексында бадминтон буенча 16 районнан 17 команда составында 133 спортчы ярышты

Скопировать ссылку

(Теләче, 21 сентябрь, “Татар-информ”, “Теләче”). 16-18 сентябрь көннәрендә Теләченең “Батыр” спорт комплексында бадминтон буенча Татарстан Республикасы чемпионаты узды, дип хәбәр итте бүген tulachi.ru.

13 нче “Сәламәтлек” спартакиадасы кысаларында республика районнары командалары арасында үткәрелгән бәйгедә 17 яшьтән узган ир-егетләр һәм хатын-кызлар көчләрен сынады.

Чемпионатны ачу тантанасында Татарстанның “Уңыш” физкультура спорт җәмгыяте җитәкчесе Видади Мәхмүдов, бадминтон буенча республиканың хөкемдарлар коллегиясе җитәкчесе Альфред Шәмгуллин һәм Теләче муниципаль район башкарма комитеты җитәкчесенең социаль мәсьәләләр буенча урынбасары Альфред Шәйдуллин катнашты. Ярышка Азнакай, Балтач, Чүпрәле, Кукмара, Тукай, Әлмәт һәм башка районнардан спорт сөючеләр килде. Ике көн дәвамында барган бәйгедә 16 районнан 17 команда составында 133 спортчы осталыкларын күрсәтте. Ике көн дәвамында барган спорт бәйгесендә беренче урынга Саба районы, икенчегә Теләче районы, өченче урынга Балтач районы командалары лаек булды.

#Саба #Теләче #Балтач

Сәхифәләр

Республика чемпионатында Саба командасы – җиңүче, Теләче – икенче, Балтач - өченче