news_header_top_970_100
news_header_bot_970_100

Республика балалар клиник хастаханәсендә баланың тез буынына заманча операция ясаганнар

Зур кисемнәр белән ясалган ачык операцияләрдән аермалы буларак, артроскопия операция вакытында җәрәхәтләнүне күпкә киметә.

Республика балалар клиник хастаханәсендә баланың тез буынына заманча операция ясаганнар
Республика балалар клиник хастаханәсенең матбугат хезмәте

Республика балалар клиник хастаханәсендә аяк тезенә кечкенә генә кисемнәр аша атроскопик операция ясаганнар. Бу хакта клиниканың матбугат хезмәте хәбәр итә.

Артроскопик операция дигәндә, тездәге буын тукымалары ялкынсынуы белән бәйле авыруларны хирургия юлы белән видеоаппаратура контроле астында кечкенә генә кисемнәр аша дәвалауны аңларга кирәк.

«Зур кисемнәр белән ясалган ачык операцияләрдән аермалы буларак, артроскопия операция вакытында җәрәхәтләнүне күпкә киметә, пациентның тернәкләнү чоры да кыскара. Артроскопик операция зыян килгән буын тукымаларын зурайтып карау мөмкинлеген бирә. Безнең бүлектә иңбаш, терсәк, тез, аяк балтыры һәм табаны буыннарына артроскопик операцияләр башкарыла», - дип хәбәр итә Республика балалар хастаханәсе.

Бу операцияләрнең күпчелеге гипс салудан һәм култык таяклары белән йөрүдән азат итүен искәртәләр.

 

news_right_column_1_240_400
news_right_column_2_240_400
news_bot_970_100