Республика балалар клиник хастаханәсендә касык бүсеренә операцияләр ясыйлар
Бүгенге көндә Республика балалар клиник хастаханәсенең хирургия бүлегендә касык бүсере булган өч балага операция ясалды
(Казан, 12 октябрь, “Татар-информ”, Ләйсән Әсәдуллина). Бүгенге көндә Республика балалар клиник хастаханәсенең хирургия бүлегендә касык һәм касык төбе бүсере булган өч балага операция ясалды. Андый видеолапароскопик операцияләр бүлектә быелның август аеннан башлап үткәрелә.
Хирургия бүлеге мөдире Ренат Яфәсов “Татар-информ” мәгълүмат агентлыгына белдергәнчә, операцияләр санының азлыгы анализлар җыюга күп вакыт кирәк булуы белән аңлатыла. Бүлектә чират юк диярлек. Югары технологик операция бер ай эчендә ясала. Ел дәвамында бүлектә касык һәм касык төбе бүсере авыруына 300гә якын операция ясау планлаштырыла.