Ренат Әюпов Оренбург дәүләт театрында "Мәхәббәт, футбол һәм мафия" спектаклен куя
Спектакль танылган прозаик, шагыйрь, драматург һәм публицист Ркаил Зәйдулла әсәре буенча сәхнәләштерелә.
Скопировать ссылку
(Казан, 27 сентябрь, "Татар-информ"). 12 октябрьдә М.Фәйзи исемендәге Оренбург Татар дәүләт драма театры "Мәхәббәт, футбол һәм мафия" спектакленең премьерасы булачак. Бу хакта театрның матбугат хезмәте хәбәр итә.
Спектакльнең режиссеры - Татарстан Республикасының атказанган сәнгать эшлеклесе, Россиянең атказанган артисты Ренат Әюпов.
"Мәхәббәт, футбол һәм мафия"нең репетицияләре 1 июльдә башланган. Ул танылган прозаик, шагыйрь, драматург һәм публицист Ркаил Зәйдулла әсәре буенча сәхнәгә куела.
Комедиядә театрның барлык труппасы да катнаша, диелә хәбәрдә.
