Ренат Харис: Һәркайда бронза, гранит һәйкәлләр бар, ләкин энциклопедия – ул иң зур һәйкәл

Скопировать ссылку

Буа якташлыгы идарә әгъзасы, Татарстанның халык шагыйре Ренат Харис һәр энциклопедия үз районының беренче дәрәҗәле һәйкәле булуын билгеләп узды.

«Һәр районда бронза, гранит һәйкәлләр бар, ләкин энциклопедия – ул иң зур һәйкәл. Миннән Татарстанда нинди зур казанышлар булды дип сорасалар, иң беренче Татарстан үз энциклопедиясен, берничә томлы тарихын булдырды, дияр идем. Болардан да зур казаныш юк», - ди Ренат Харис.

Ул Буа энциклопедиясенә кертелгән 2,5 мең кеше язмышын һәркайсын роман итеп язып була, дигән фикердә. «Бармактан суырып китаплар язабыз. Татар әдәбиятында тарихи жанр дигән нәрсә начар хәлдә. Тарихи дип аталган кайбер романнар - маҗаралар жанрына керә торган әсәрләр. Районнар энциклопедияләрен карый башласаң, әллә нинди кызык әйберләр язып булыр иде», - дип саный халык шагыйре.

«Энциклопедия һәр кешенең өстәл китабы булырга тиеш. Энциклопедия белем генә биреп калмый, тәрбияли дә, кешене төгәл итеп яшәргә дә өйрәтә. Энциклопедиядән дә зуррак нәрсә була алмый. Өстәлдә иң беренчесе Коръән булса, икенче булып, район энциклопедиясе ятарга тиеш», - дип белдерде Ренат Харис.

Сәхифәләр

Ренат Харис: Һәркайда бронза, гранит һәйкәлләр бар, ләкин энциклопедия – ул иң зур һәйкәл