Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ренат Ибраһимов: Ислам диненә татар теле аша килдем
Россиянең халык артисты Мәскәүдә Коръән мәгънәләренең татар теленә тәрҗемә басмасын тәкъдим итүдә катнашты.
(Мәскәү, 17 октябрь, "Татар-информ", Алсу Исмәгыйлева). Россиянең халык артисты, Габдулла Тукай премиясе лауреаты Ренат Ибраһимов ислам диненә татар теле аша килүен әйтте. Соңыннан, динне тирәнтен өйрәнгәндә, рус телендә чыккан китапларга таянырга туры килде, диде ул "Татар-информ" хәбәрчесенә.
"Ислам дине миңа татарча, әбием аркылы иңде", - диде ул бүген Мәскәүдә Коръән мәгънәләренең татар теленә тәрҗемәсен тәкъдим итү уңаеннан оештырылган чарада. Ренат Ибраһимов бу бәйрәмгә шәрәфле кунак буларак чакырулы иде.
Яңа татарча басма турында фикерен белдереп, артист китапның телен аңлауда кыенлыклар кичерүен әйтте. "Әдәби телне аңлавы миңа авыррак", - диде ул.
Ренат Ибраһимов, динне тирәнтен өйрәнгәндә, рус телендәге китапларга таянганын әйтте. Татарстан мөфтияте тарафыннан Коръән мәгънәләренең русчага тәрҗемәсе әзерләнү хәбәрен ишеткәч, моңа шатлануын белдерде.
- Ренат Ибраһимов утыз елдан артык ислам динендә.
Кызыклы яңалыкларны күзәтеп бару өчен Телеграм-каналга язылыгыз