Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рушан хәзрәт Аббясов: Спутник V вакцинасының хәләл сертификаты бар
Ул башка мөселман дәүләтләре дә бу вакцинаны куллану белән кызыксынганнарын әйтте.
(Казан, 28 июль, «Татар-информ», Гөлнар Гарифуллина). РФ мөселманнары Диния нәзарәте, мөфтиләр шурасы рәисе урынбасары Рушан хәзрәт Аббясов коронавирустан Спутник V вакцинасының хәләл сертификаты булуын, шунлыктан мөселман дәүләтләре дә кызыксынганын әйтте.
Рушан хәзрәт бүген KazanSummit-2021 Халыкара икътисади форумында «Коронавирус шартларында медицина» сессиясендә катнашты.
«Мөселман дәүләтләре безнең вакцинаны кабул итә, чөнки без фәтвә бирдек. Спутник V вакцинасының хәләл сертификаты бар, аны кулланып була. Индонезия, башка гарәп илләре бик кызыксыналар. Аларга хәләл сертификациясе булу бик мөһим. Индонезиядән Роспотребнадзор җитәкчесе дә „бу сертификация безгә мөһим, чөнки без мөселман дәүләте, 220 млн кеше яши“ дип әйтте», — дип сөйләде Рушан хәзрәт «Татар-информ» хәбәрчесенә.
Аның сүзләренчә, хәзер белгечләр башка вакциналарны да хәләл булу-булмавын өйрәнә.
Рушан хәзрәт мөфтияттә вакцинация дәрәҗәсе буенча 60 процентны үткәннәрен әйтте.
Кызыклы яңалыкларны күзәтеп бару өчен Телеграм-каналга язылыгыз