Дин 28 февраль 2020 10:22

Әлмәт мөхтәсибәте Бөек Җиңүнең 75 еллыгына багышланган флешмобка кушылырга чакыра

Әлеге чара ярдәмендә ислам дине әһелләренең ата-бабаларыбыз батырлыгын, илебез тарихын хөрмәт итүен күрсәтергә телиләр.

Скопировать ссылку

(Казан, 28 февраль, "Татар-информ"). Әлмәт шәһәре һәм районы имам мөхтәсибе Фәһим хәзрәт Әхмәтҗанов, Бөек Җиңүнең 75 еллыгына багышлап, зур флешмобка кушылырга чакыра. Бу турыда оештыручылар хәбәр итте.

Әлеге чара имамнарның һәм, гомумән дин тотучыларның, катгый бер кысаларга куып кертелмәгәнен, Ислам әһелләренең замана сулышы белән яшәвен, ата-бабаларыбыз батырлыгын, илебез тарихын зурлавын күрсәтү максатыннан оештырыла.

Флешмобта Бөек Ватан сугышы, ветераннар турында шигырь, хикәяләрдән өзекләр яки фронтовик язучыларның әсәрләре укып яки яттан сөйләп төшерелгән видеолар Инстаграм, ВКонтакте челтәрләренә урнаштырыла.

Эстафета килеп җиткәнен көтмичә дә флешмобка кушылырга мөмкин. Бары тик видеоларыгызны #батырларгадан хештегы белән теркәргә онытмагыз, диелә хәбәрдә.

#Бөек Җиңү #Әлмәт мөхтәсибәте

Сәхифәләр

Әлмәт мөхтәсибәте Бөек Җиңүнең 75 еллыгына багышланган флешмобка кушылырга чакыра