Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Республика мөселман яшьләре «Чиста мәчет» акциясенә кушылырга чакыра
«Чиста мәчет» акциясе 2017 елдан бирле Татарстан мөселманнары Диния нәзарәтенең социаль үсеш бүлеге тарафыннан гамәлгә ашырыла.
(Казан, 26 февраль, «Татар-информ»). Татарстан Республикасы Диния нәзарәте волонтерлары «Чиста мәчет» акциясе кысаларында Рамазан ае алдыннан республика мәчетләрендә җыештыру-чистарту эшләренә кереште. Һәр шимбә көнендә волонтерлар Казанның бер мәчетендә өмә үткәрәчәк.
Акция барышында егетләр-кызлар «Казан нуры», «Сәлах», «Рамазан» мәчетләрен тәртипкә китерергә өлгерде инде. Ә бу атнаны, ягъни иртәгә — шимбә көнне — волонтерлар Казанның Габдерәхим Утыз Имәни мәчетендә өмә үткәрәчәк.
Имәнлек урамы белән Рихард Зорге урамнары киселешендә төзелүче мәчет әйләнәсендә төзелеш калдыкларын җыярга, чүп-чарны чыгарырга, тәртип урнаштырырга кирәк — шуңа бу атнаны бары егетләр генә чакырыла. Өмәгә эш киемнәреннән, маска-перчаткалардан килү таләп ителә, дип искәртә ТР Диния нәзарәте матбугат хезмәте.
Акциядә катнашу өчен нәзарәтнең социаль үсеш бүлегенә 8 (843) 237-86-18 телефонына шалтыратып язылырга кирәк.
«Чиста мәчет» акциясе 2017 елдан бирле Татарстан мөселманнары Диния нәзарәтенең социаль үсеш бүлеге тарафыннан гамәлгә ашырыла. Шул вакыт эчендә анда катнашу өчен яшьләр арасыннан ике йөзләп мөселман-волонтёр җәлеп ителде, алар Аллаһы Тәгалә ризалыгы өчен Татарстан мәчетләрендә өмә үткәрде.
Кызыклы яңалыкларны күзәтеп бару өчен Телеграм-каналга язылыгыз