Мөселманнар өчен изге булган бәйрәм Корбан гаетенә ике атнадан да азрак вакыт калып бара

6 ноябрьдә республиканың барлык мәчетләрендә дә бәйрәм гыйбадәтләре үтәчәк

(Казан, 24 октябрь, “Татар-информ”). Мөселманнар өчен изге булган бәйрәм Корбан гаетенә ике атнадан да азрак вакыт калып бара. 2011 елда Корбан гаете 6 ноябрьгә туры килә. Әлеге көн рәсми рәвештә ял көне дип игълан ителде.

6 ноябрьдә республиканың барлык мәчетләрендә дә бәйрәм гыйбадәтләре үтәчәк. Иртәнге сәгать җидедә иртәнге намаз укыла. Иртәнге сәгать сигезенче яртыда бәйрәм вәгазе башланып китәчәк. Сигез тулып егерме минутта – гает намазы. Бу хакта ТР мөселманнары Диния нәзарәтенең мәгълүмат һәм пропаганда бүлеге хәбәр итә.