news_header_top_970_100
16+
news_header_bot_970_100

Санкт-Петербургта Коръән укучылар бәйгесе узды

Бәйгене Санкт Петербург һәм Россиянең Төньяк-Көнбатыш төбәге мөселманнары Диния нәзарәте оештырды.

(Казан, 23 октябрь, «Татар-информ»). Россиянең Төньяк башкаласы Җәмигъ мәчетендә Санкт-Петербург Коръән укучылар бәйгесе узды. Бу хакта Россия мөселманнары Дини җыены Үзәкләштерелгән дини оешмасы матбугат хезмәте хәбәр итә.

Бәйгене Санкт Петербург һәм Россиянең Төньяк-Көнбатыш төбәге мөселманнары Диния нәзарәте оештырды. Чараның ачылышында Санкт-Петербург һәм Россиянең Төньяк-Көнбатыш төбәге мөфтие, Санкт-Петербург Җәмигъ мәчете имам-хатыйбы Равил хәзрәт Панчеев бәйгене оештыруга үз өлешен керткән һәркемгә рәхмәт белдерде, шулай ук Аллаһы Тәгаләдән Мөхәммәд Пәйгамбәр (с.г.в.с.) өммәтен ныгытуда барлык катнашучыларга, ата-аналарга һәм якыннарына исәнлек-саулык теләде.

Бәйгедә Россия Федерациясенең төрле төбәкләре һәм якын чит илләрдән килгән яшь мөселманнар һәм өлкәннәр катнашты.

Мөфти шәех Равил хәзрәт Панчеев шулай ук үсеп килүче буынны ислам традицияләре рухында тәрбияләүнең әһәмиятен билгеләп үтте.

autoscroll_news_right_240_400_1
autoscroll_news_right_240_400_2
news_bot_970_100