Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бөгелмә районы мөхтәсибәте«Азан-2021» бәйгесен үткәрде
Катнашучыларның иң кечкенәсенә 6 яшь, ә иң өлкәненә 86 яшь иде.
(Казан, 23 март, «Татар-информ»). Шушы көннәрдә Бөгелмә шәһәре һәм Бөгелмә районы мөхтәсибәте Татарстан Республикасы Көньяк-Көнчыгыш казыяте мәчетләре арасында «Азан-2021» бәйгесен үткәрде.
Бөгелмә Үзәк мәчетендә узган әлеге бәйге балалар һәм олылар арасында Татарстанда игълан ителгән Туган телләр һәм халыклар бердәмлеге елы кысаларында оештырылды һәм катнашучыларның татар мәкаме белән азан әйтүләре белән аерылып торды. Бу турыда Бөтендөнья татар конгрессының матбугат хезмәте хәбәр итә.
Азан әйтү ярышында Бөгелмә, Лениногорск, Азнакай, Ютазы районнарыннан 50 конкурсант катнашты. Катнашучыларның иң кечкенәсенә 6 яшь, ә иң өлкәненә 86 яшь иде.
Традицион рәвештә Коръән аятьләре укылып, бәйге башланып китте. Жюри катнашучыларның дикциясенә, азан текстын яңгыратуына, көйләү аһәңенә, костюмының бәйге асылына туры килү-килмәвенә карап, бәя бирде.
7-18 яшьлекләр арасында I һәм II урыннарны Карабаштан Абдулла Нәфиков һәм Исмәгыйль Зәйдуллин бүлеште, III урынны Бөгелмәдән Айдар Вәлиуллин алды. 19-40 яшьлекләр арасында I урынга Азнакайдан Вәлиулла Галимов лаек булды, II һәм III урыннарны Лениногорскидан Булат Рәүпов һәм Ришат Сафин бүлеште.
41 яшьлек катнашучылар арасында Лениногорскидан Фәрхәт Шәйхетдинов I урын алды, II һәм III урыннарны Бөгелмәдән Габдерәшит Мингалиев һәм Равил Билданов бүлеште. Призерларга кыйммәтле бүләкләр һәм дипломнар тапшырылды. Бәйге дога кылу һәм төшке аш белән тәмамланды.
Кызыклы яңалыкларны күзәтеп бару өчен Телеграм-каналга язылыгыз