Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Президент Советында Ростов-Дон мәчетен кире мөселманнарга кайтару турында сөйләштеләр
Мөфти шәех Равил Гайнетдин тарихи мәчет бинасының, мөселманнарның күп еллык сорауларына карамастан, джаз мәктәбенә бирелү проблемасын әйтте.
(Казан, 22 гыйнвар, «Татар-информ»). Россия Федерациясе мөселманнарының Диния нәзарәте рәисе мөфти шәех Равил Гайнетдин бүген Россия Федерациясе Президенты каршындагы дини берләшмәләр белән хезмәттәшлек Советы утырышында чыгыш ясады.
Россия Федерациясе мөселманнарының Диния нәзарәте матбугат хезмәте хәбәр итүенчә, ул анда Ростов-Дондагы тарихи мәчет бинасының, мөселманнарның күп еллык сорауларына карамастан, джаз мәктәбенә бирелү проблемасына игътибарны юнәлтте.
Мөфти Гайнетдин билгеләп үткәнчә, дини ядкәрләрне кире кайтару өчен хокукый нигез 1990 елларда ук Президент күрсәтмәсе һәм Хөкүмәт карары белән билгеләнгән, ә 2010 елда «Дини оешмаларга дәүләт яки муниципаль милектә булган дини әһәмияттәге мөлкәтне тапшыру турында»гы (30.11.2010 ел) Федераль закон рәвешендә тулысынча беркетелгән.
«20 ел дәвамында төбәк хакимиятеннән, Россия Федерациясе Оборона министрлыгыннан Ростов-Дон шәһәрендәге тарихи мәчет бинасын мөселманнарга тапшыру турындагы үтенечтән соң, мәчет бинасын мәдәни учреждениегә тапшыру ялгыш адым булды», - дип белдерде ул.
Мөфти шәех Равил Гайнетдинның белдерүен Россия мөселманнарының Үзәк Диния нәзарәте рәисе шәех Тәлгать Таҗетдин хуплады. «Җәмгыятьтә, дин тотучылар арасында аңлашылмаучанлык булмасын өчен, бу мәсьәләне хәл итәргә кирәк», - диде ул.
Төньяк Кавказ мөселманнарының Координация үзәге рәисе Исмәгыйль хаҗи Бердиев Ставропольдәге тарихи мәчетнең охшаш язмышы турында искә төшерде. Мөселманнарның күпме тырышлыгына карамастан, анда сәнгать галереясы урнашкан.
Искәртеп узыйк, элек Ростов өлкәсе мөселманнарының Диния нәзарәте рәисе (Дон мөхтәсибәте) Наил Коләхмәтов Ростов өлкәсе губернаторы Василий Голубевка һәм Президентның Көньяк федераль округында Тулы вәкаләтле вәкиле Владимир Устиновка Ростов-Дон тарихи мәчете бинасын (Кызыл Армия ур., 97 ) мөселманнарга тапшыру мәсьәләсе буенча мөрәҗәгать иткәч, хуплау булмаган иде.
Кызыклы яңалыкларны күзәтеп бару өчен Телеграм-каналга язылыгыз