Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кукмара мәдрәсәсендә яңа уку елы башланды
Җыелыштан соң мөгаллимнәр киңәшмәсе үткәрелде.
(Казан, 21 сентябрь, «Татар-информ»). 20 сентябрь көнне Кукмара мәдрәсәсендә быел укырга керүчеләр өчен беренче оештыру җыелышы үткәрелде. Чара илебездәге эпидемиологик вазгыятьне исәпкә алып, санитар нормаларны үтәп оештырылды. Бу хакта ТР Диния нәзарәте матбугат хезмәте хәбәр итә.
Шулай итеп, Кукмара төбәге һәм якын тирәдәге районнар өчен дини гыйлем бирү үзәге вазифасын үтәүче Кукмара мәдрәсәсе 23нче уку елын башлап җибәрде.
Җыен Коръән аятләре укып, дога кылудан башланды. Аннары сүз Кукмара районы мөхтәсибе ярдәмчесе Айрат хәзрәт Шәфигуллинга бирелде. Ул яңа укырга килгән шәкертләрне котлап, аларга дин белеме алуда уңышлар теләде.
Татарстан мөселманнары Диния нәзарәте игълан иткән «Без экстремизмга каршы» айлыгы кысаларында мәдрәсә мөгаллиме Әхмәд хәзрәт Сафин «Террор һәм экстремизм — шайтан гамәле» дигән темага чыгыш ясады. Мөгаллим Рифат хәзрәт Ибраһимов гыйлем алу фазыйләтләренә багышланган вәгазь сөйләде, мөгаллимә Рузилә абыстай Мәҗитова исә хатын-кыз талибәләргә үз нәсыйхәтләрен җиткерде.
Соңыннан мәдрәсә мөдире Ришат хәзрәт Курамшин мәдрәсә тарихы һәм эшчәнлеге турында сөйләп, уку-укыту программасы белән кыскача гына таныштырып үтте, алда торган бурычлар хакында бәян итте. Җыелыштан соң мөгаллимнәр киңәшмәсе үткәрелде.
Кызыклы яңалыкларны күзәтеп бару өчен Телеграм-каналга язылыгыз