Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Диния нәзарәте рәисе урынбасары «Рухи бердәмлек өчен» медале белән бүләкләнде
«Рухи бердәмлек өчен» медале - Россия мөселман җәмәгатьчелегенең иң югары бүләкләреннән берсе.
(Казан, 17 февраль, «Татар-информ»). Россия мөселманнарының Диния нәзарәте рәисе урынбасары Ренат Исламовка «Рухи бердәмлек өчен» медале бирелде.
Бүген Россия мөселманнары Диния нәзарәте һәм Россия Мөфтиләр шурасы рәисе Равил Гайнетдин мәгариф һәм фән эшләре буенча урынбасары, Мәскәү ислам университетының фәнни эшчәнлек буенча проректоры Ренат Исламовны 35 яшь тулган көне белән котлап, аны «Рухи бердәмлек өчен» медале белән бүләкләде. Бу хакта Россия Мөфтиләр шурасы хәбәр итә.
«Озак еллар намуслы хезмәте, мөселманнар тормышында актив катнашуы, ислам мәгарифе һәм фәне үсешенә зур өлеш кертүе өчен һәм 35 яшь тулу уңаеннан, Исламов Ренат Вафа улын Россия мөселманнарының „Рухи бердәмлек өчен“ медале белән бүләкләргә», — диелә мөфти Равил Гайнетдин имзалаган карарда.
«Рухи бердәмлек өчен» медале Россия мөселман җәмәгатьчелегенең иң югары бүләкләреннән берсе. Ул исламның рухи һәм мәдәни традицияләрен таратуга, җәмгыятьтә конфессияара һәм милләтара тынычлыкны һәм татулыкны ныгытуга зур өлеш керткән өчен бирелә.
Кызыклы яңалыкларны күзәтеп бару өчен Телеграм-каналга язылыгыз