Төркиядә Татарстан мөфтияте әзерләгән Коръән басмасы чыкты
Моннан тыш, Татарстан мөфтиятенең Коръән китабын 2020 елның ахырына кадәр Беларусь Диния Нәзарәте дә бастырып чыгарырга ниятли.
(Казан, 17 февраль, «Татар-информ»). Төркиядә Татарстан Диния Нәзарәте әзерләгән Коръән китабы басылып чыкты. Бу хакта ТР Диния нәзарәте матбугат хезмәте хәбәр итә.
Коръән басмасы төрек өммәте өчен 12 меңлек гомуми тираж белән нәшер ителде.
Моннан тыш, Татарстан мөфтиятенең Коръән китабын 2020 елның ахырына кадәр Беларусь Диния Нәзарәте дә бастырып чыгарырга ниятли. Басманың электрон файллары Беларусь өммәте файдасына мөфти Камил хәзрәт Сәмигуллин тарафыннан ТР Президенты Р.Н.Миңнеханов җитәкчелегендәге делегациянең Минскка рәсми сәфәре вакытында тапшырылды.
Беларусь Диния Нәзарәтендә Коръән мәгънәләрен белорус теленә тәрҗемә итү буенча эшче комиссия булдырылды — эш мөфтиятнең «Калям Шариф. Перевод смыслов» китабы нигезендә алып барыла.