Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Омск медицина көллиятендә студент кызларга ак яулыклардан йөрергә рөхсәт иттеләр
Омск медицина көллиятендә укучы 21 яшьлек Алинә Нәүрүзова яулык киеп йөрүне тыюны законсыз дип санап, уку йорты администрациясен судка биргән иде.
(Чаллы, 14 сентябрь, «Татар-информ», Эльвира Мөхәммәтдинова). Омск медицина көллиятендә килеп чыккан җәнҗалдан соң, мөслимә студентларга яулык бәйләп йөрүне рөхсәт иттеләр. Бу хакта адвокат Руслан Нагиев хәбәр итте.
Юрист сүзләренчә, яңа уку елында уку йорты җитәкчелеге моңа кадәр гамәлдә булган мөселман баш киемнәрен киеп йөрүне тыюдан баш тартты. Администрация тарафыннан бердәнбер таләп яулыкларның төсенә кагыла — алар ак булырга тиеш.
Омск медицина көллиятендә укучы 21 яшьлек Алинә Нәүрүзова яулык бәйләп йөрүне тыюны законсыз дип санап, уку йорты администрациясен судка биргән иде.
Бу тарих Татарстан мөфтие Камил хәзрәт Сәмигуллин ярдәме белән киң җәмәгатьчелеккә таралды. Ул үзенең Instagram аккаунтында бу хәлгә аптыравын язган иде. Аның сүзләренчә, «мондый тыюлар Россия Конституциясенә Аллаһны телгә алу кертелгәч тә күзәтелә, закон текстында күпмилләтле Россия җәмгыятендә дин традицияләре төгәл күрсәтелгән булуга карамастан, хилафлыклар дәвам итә».
Россиянең төрле почмакларындагы мөслимә студентлар Алинә Нәүрүзовага теләктәшлек белдерде.
Беренче инстанция судында кыз оттырды һәм апелляциягә бирде. Медицина көллияте уставында толерант булмаган пунктны төзәткәннәр.
Кызыклы яңалыкларны күзәтеп бару өчен Телеграм-каналга язылыгыз