“Иман” нәшриятында "Йосыф г-м кыйссасы" дип исемләнгән китап дөнья күрде

Ул бөтен пәйгамбәрләр турында сөйләүче "Кыйссасел әнбия" китабының бер өлеше булып тора

(Казан, 14 июль, “Татар-информ”). “Иман” нәшриятында "Йосыф г-м кыйссасы" дип исемләнгән китап дөнья күрде. Ул бөтен пәйгамбәрләр турында сөйләүче "Кыйссасел әнбия" китабының бер өлеше булып тора.
Билгеле булганча, татарларда Йосыф пәйгамбәр тормышы белән бәйле тарихларны яратып укый. Бу тарихларның күбесе әдәби әсәсрләр иҗат итүгә дә нигез булган.
Кыйссаны иске татар теле язуыннан крилл шрифтына укытучылары Әхмәт хәзрәт Сабиров җитәкчелегендә “Мөхәммәдия” мәдрәсәсе студентлары күчергән, дип хәбәр итә Islamrt.ru.